📍籽樂廚房 (尖沙咀)
尖沙咀山林道38號銀座38 3樓
======================================
初初揾路個陣，見到個入口以為係apartment既入口，唔講真係唔知上面有餐廳😲上到黎呢間社企餐廳，感覺好開揚，因為面積闊落，完全冇壓迫感，可以同朋友好舒暢咁傾偈👭而餐廳風格比較簡約，冇太多既裝飾設計，牆壁上嘅畫通常都帶有一啲正面嘅訊息俾大家😸廚房係半開放式，行過可以見到佢地整野食既情況。另外餐廳都會聘請一啲聾人或者弱聽人士，所以餐廳都有提供一個手語小貼士俾大家，又幾細心🥰
.
🥖蒜蓉法包 $48/4片 (4.5/5)
推介呢個蒜蓉法包❣️真係好好味😋😋😋香濃既蒜蓉味，食落外脆內軟🤤🤤雖然我食左兩塊但都覺得唔夠喉，我諗我一個人食哂四塊都冇問題🤣
.
🍖黑松露蜜糖烤雞翼 $88/4隻 (4.5/5)
我既另一推介係呢個雞翼👍🏻超級熱❗️相信真係新鮮出爐🤩🤩甜甜地既蜜糖沾滿左成隻雞翼，好惹味！再加上少少黑松露帶出個香味，真心好食😍
.
🍝原隻軟殼蟹刁草忌廉汁意粉 $168 (3.5/5)
我因為軟殼蟹所以先點呢個意粉💕軟殼蟹都好大隻。配埋刁草忌廉汁意粉，又唔會太漏，又幾好味喎🤪
.
🥘西班牙海鮮意大利飯 $198 (3/5)
有兩隻青口、兩粒帶子、兩隻蝦，海鮮都夠新鮮，而飯粒都能夠煮到粒粒分明👍🏻
Search